Concordi laetitia, Propulsa maestitia,

Mariae praeconia Recolat Ecclesia:

Virgo Maria.

Quae felici gaudio, Resurgente Domino,

Floriut et lilium: Vivum cernens Filium:

Virgo Maria.

Quam concentu parili Chori laudant coelici,

Et nos cum coelestibus, Novum melos pangimus;

Virgo Maria.

O Regina Virginum, Votis fave supplicum,

Et post mortis stadium, Vitae confer praemium

Virgo Maria.

Gloriosa Trinitas, Indivisa Unitas,

Ob Mariae merita, Nos salva per saecula:

Virgo Maria.